今日同班學生開Christmas Party!
初時其實係小小嬲既。
件事就要追溯番去上一次gathering。
我之前班學生總共有7個，6個4年級，1個2年級。
但做野最有責任心既就係2年級果個女仔。
但由於果6個學生同佢既年齡相差太多，唔係好岩玩，所以今次就冇叫佢。
冇叫佢就出事啦!
事因上一次佢做聯絡做得非常好，時間地點清清楚楚抄低同埋幫我通知好哂班學生，我煩都唔洗煩。
但今次我所托非人啦!
今次果個女仔做得好差，我同佢講左通知d同學朝早11點，但係佢又講左10點=.=
ok,呢樣野都算，竟然有同學唔知道係今日!!
oh my god,搞到今日同佢地上左一堂責任感堂。
Anyway，念在佢初犯同埋有悔意，算啦。
話明係Party，點少得禮物呢!
份份都差唔多樣，同埋我之後係呢D禮物度再放左張心意卡+3粒蜜蜂糖+3粒可樂糖落去
p.s.題外話，呢d文具最好去深水埗度買，因為果度做批發，好平!
你估下呢份禮物幾多錢?
提示就係你想買一份Angry bird/海綿寶寶8-10種文具齊哂都係10蚊，所以呢個就:P
唔好話我"故寒"，我都係學生黎架咋，無咩錢>.<
不過d學生既說話又真係幾warm-hearted既:)
首先，佢地自認係我d仔仔女女，呢樣野已經夠哂warm:)
之後，我最錫果個又叻又靚仔(但同時有王子病)既學生又張我張心意卡放左入銀包:)
行動代表一切，I love them ar >.<
救命，真係好想嘴佢地一啖!!
不過，我之前提及過有帶佢地去公園玩。
所以我就問佢地掛住我究竟係真定係掛住玩架咋。
另一個男同學仔就話:係真架Miss,但係我唔識得用言語表達咋ma。
我好想打比你架，但係打比你又覺得好奇怪唔知講咩好，但係又掛住你喎。
我真係覺得好warm，估唔到教左佢地一個月佢地都覺得我好:)
佢地成日都話我開到班就好，但係好多時d野都唔係自己控制到。
而家果對姐弟對我又好好，成日怕我肚餓又買定野食比我。
d糧期又好準，佢地爸爸媽媽又成日請我食野。
每日補習就好似去見細佬妹咁，好開心好有滿足感。
唉，我點可以唔教佢地呢?
但係果班學生話就算我只係教到2月-6月都好想我教，
小朋友既世界好簡單，淨係唸住我教得番佢地就得。
不過，學生既事都係睇下緣份，睇下神點安排。
但而家我起馬認清一點，就係如果我做老師的話，一定可以幫到好多學生。
沒有留言:
張貼留言